Markmið

Stefnt skal að því að nemandi

• kunni að vinna með myndefni og texta á síu
• þekki forsendur myndbyggingar á síðu
• kunni skil á mismunandi tegundum leturs
• þekki íslenskar grunnreglur í textasetningu
• skilji tilgang og virkni þeirra þátta sem byggja upp síðu: fyrirsagna
• textadálka, mynda o.þ.h.
• þekki tæknilegar forsendur prentunar og birtingar og skilji hvaða forsendur eru að baki letursetningu, birtingu og útprentun í prent- og skjámiðlum
• kunni skil á mismunandi hönnun síðna með tilliti til ólíks efnis og tilgang
• sé fær um að fjalla um og meta eigin umbrotsverk og annarra á upplýstan og greinargóðan hátt og gera grein fyrir forsendum
• sé fær um að ræða opinskátt um þær hugmyndir sem hann er að reyna að túlka í verkum sínum
• sé fær um að ræða opinskátt um og gagnrýna umbrotsverk samnemenda sinna á uppbyggilegan hátt o sé fær um að taka gagnrýna afstöðu til verka
• þekktra grafískra hönnuða og túlka þau í ræðu og riti
• geti sýnt fram á að hann sé fær um að þróa hugmyndir sínar í umbroti á meðvitaðan og gagnrýninn hátt

Námslýsing, efnisatriði og kennsluhættir

Í áfanganum læra nemendur að hanna síður, bæði fyrir prent- og skjámiðla. Þeir læra reglur um textasetningu og gera tilraunir með fjölbreytta uppsetningu texta. Þeir kynnast einnig reglum um notkun mynda í skipulagi síðu. Þeir læra einnig að koma tölulegum upplýsingum á framfæri á myndrænan og skýran hátt. Mikil áhersla er lögð á að nemendur séu sér ætíð meðvitaðir um læsileika þess efnis sem þeir vinna með og um tengsl innihalds og útlits síðunnar. Tveir þættir vega því þyngst í vinnu annarinnar: Annars vegar ferlið, sköpun, túlkun og tjáning þar sem nemendur vinna að einstökum verkefnum og frelsi þeirra til útfærslu eigin hugmynda eykst þegar líður á áfangann; og hins vegar ferlið skynjun, greining og mat þar sem nemendur greina eigin verk, verk samnemenda og verk þekktra hönnuða með tilliti til inntaks og uppsetningar efnisins.