ENS203

Áfangalýsing

Kennsla

Undanfari

ENS 103

Markmið

Stefnt skal að því að nemendur
• Geti skilið einfalt, ótextað sjónvarpsefni/myndefni/ margmiðlunarefni/úrvarpsefni (t.d. fréttir) þar sem talað er með mismunandi hreim og tónlistartexta, t.d. dægurlagatexta.
• Geti fylgst með og skilið megininntak orðræðu þegar fjallað er um nokkuð sérhæft efni sem hann þekkir og tengist þeim efnisflokkum sem fjallað er um.
• Geti sagt það sem hann þarf að segja við algengustu aðstæður í daglegu lífi, t.d. á ferðalögum erlendis, í síma, í samskiptum við útlendinga heima fyrir, innan skólastofunnar, í óformlegum samræðum.
• Geti talað með eðlilegum hraða.
• Geti lesið þyngri texta en í ENS 103, t.d. fræðitexta, bókmenntatexta með tiltölulega flóknum söguþræði, texta í dagblöðum og tímaritum eða alls kyns upplýsinga- og heimildaritum og á Netinu.
• Geti beitt mismunandi lestraraðferðum, þ.e. nákvæmnislestri, yfirlitslestri, hraðlestri og leitarlestri og viti hvenær hvað er viðeigandi.
• Geti tjáð sig skriflega á skipulegan hátt og í nokkuð löngu máli (40-60 línur eða lengra).
• Hafi náð tökum á grundvallaratriðum í ritgerðasmíð (upphafi, miðju, endi, röksemdafærslu, skiptingu í efnisgreinar).
• Sýni skapandi notkun þess orðaforða sem unnið hefur verið með og á viðeigandi hátt eftir aðstæðum.
• Geri sér grein fyrir mikilvægi hjálpargagna við ritun, svo sem orðabóka.
• Kunni skil á grundvallaratriðum enskrar málfræði.

Námsfyrirkomulag

Gerðar eru meiri kröfur til sjálfstæðra vinnubragða en í ENS 103. Lestur almennra og sérhæfðra texta sem ekki eru einfaldaðir. Unnið með orðabók þar sem það á við. Aukin áhersla á að nemendur tjái sig frjálst og óbundið. Markvissar hlustunaræfingar. Áhersla lögð á að byggja upp og auka við hagnýtan orðaforða með margvíslegum æfingum á öllum færnisviðum. Enskt talmál æft, m.a. í tengslum við les- og hlustunarefni. Í skriflega þættinum er gerð krafa um flóknari setningaskipan, nákvæmari orðaforða og skipulegri framsetningu en í fyrri áfanga. Lesin eru menningarverk úr hinum enskumælandi menningarheimi. Ýmis önnur verkefni sem sameina eiga alla færniþætti tungumálsins og byggja upp almennan og sérhæfðan orðaforða eru unnin jafnt og þétt á önninni. Námsmat fer fram í formi prófs í lok annar ásamt ýmsum verkefnum og prófum á önninni.

Námsáætlun

Senda grein