Þegar finna þarf upplýsingar eða heimildir er skólasafnið besti staðurinn til að byrja leitina. Í hillum safnsins er til heilmikið af efni en einnig er hægt að leita á netinu úr tölvum safnsins.

Ef verið er að leita að ákveðinni bók, kvikmynd eða tímariti er hægt að leita eftir höfundi eða titli.

Höfundur: höfundur bókar, leikstjóri kvikmyndar.

Titill: nafn bókar, kvikmyndar eða tímarits.

Ef verið er að leita að upplýsingum eða heimildum um ákveðið efni er hægt að leita eftir efnisorði.

Efnisorð: orð sem lýsir innihaldi bóka og því efni sem leitað er að.

Hér fyrir neðan eru tenglar á helstu vefsíður sem nýtast við heimildaleit

Leit í Gegni - til að finna hvaða bækur, tímarit, kort, mynd- og hljóðefni bókasafn skólans á og til að finna tímaritsgreinar og hvað önnur bókasöfn eiga.

Gagnasöfn og rafræn tímarit - til að fletta upp í alfræðiritum, handbókum og tímaritum á netinu.

Gagnlegar vefsíður - tengill á ýmsar vefsíður sem geta komið sér vel við verkefnavinnu.

Hér fyrir neðan er tengill á Kennsluvef í upplýsingalæsi sem gæti nýst vel við ritgerðavinnu. Þar er meðal annars sagt frá því hvernig er best að leita á netinu og í gagnasöfnum og hvernig á að vitna til heimilda.