Bókasafn Borgarholtsskóla

Við Mosaveg, 112 Reykjavík
Sími: 535 1715. Fax: 535 1701
Netfang: bokasafn@bhs.is
Safnið er á 3. hæð stjórnunarálmu.
Innanhússími: 715.

Starfsmenn

Bára Stefánsdóttir safnstjóri og Ása Þorkelsdóttir bókasafnsfræðingur.

Þjónusta

Starfsmenn aðstoða safngesti við upplýsingaleit. Nýnemar fá í upphafi haustannar kynningu á safninu og læra að leita í Gegni, tölvuskrá safnsins. Leiðbeiningar í upplýsingaleit.

Vinnuaðstaða

Á safninu er góð vinnuaðstaða þar sem nemendur geta undirbúið sig fyrir kennslustundir, unnið að verkefnum og ritgerðum eða nýtt safngögnin á annan hátt. Einnig er aðstaða til hóp- og tölvuvinnu, hlustunar, myndbandanotkunar og ljósritunar. Í tölvum safnsins er hægt er að finna hvaða gögn eru til á safninu, skoða geisladiska og leita að heimildum á internetinu.

Tölvur

Á safninu eru 13 tölvur fyrir nemendur. Tvær þeirra eru myndvinnsluvélar tengdar skanna. Tvær tölvur eru eingöngu til að leita í tölvuskrá safnsins.

Safngögn

Alls eru nú um 8900 bækur, kort, myndbönd, mynddiskar, snældur, geislaplötur og geisladiskar á safninu. Tímarit  í áskrift eru 45. Boðið er upp á efni sem tengist öllum kennslugreinum skólans, auk undirstöðuefnis í öðrum fræðigreinum. Við reynum líka að hafa áhugavert efni til dæmis um íþróttir, tónlist, kvikmyndir og fleira.

Gagnasöfn á netinu

Bókasafnið er eitt þeirra safna sem greiðir fyrir landsaðgang að rafrænum gagnasöfnum og tímaritum. Slóðin er www.hvar.is en við bendum sérstaklega á Britannica Online, Oxford Art Onine, Oxford Music Online og ProQuest.
Snara vefbókasafn (orðabækur og fleira) er aðgengilegt í öllum tölvum á netsvæði skólans.

Flokkunarkerfi

Bókum og myndböndum er raðað upp eftir flokkunarkerfi Dewey. Tímarit eru í stafrófsröð.

Bókasafnskerfi

Haustið 2006 var skipt um tölvukerfi á safninu og gögn safnsins skráð í Gegni, landskerfi bókasafna. Útlán í gegnum Gegni hófust svo í janúar 2007. Gegnir er bókasafnskerfi sem hýsir samskrá íslenskra bókasafna. Kerfið veitir aðgang að skrám um safnkost flestra bókasafna landsins.

Útlán og skil

• Öll gögn sem farið er með út af safninu þarf að skrá í útlán.
• Lánstími almennra bóka er tvær vikur.
• Kennslubækur og handbækur er aðeins hægt að fá að láni í kennslustund eða yfir nótt eða helgi.
• Myndbönd og mynddiskar eru til útláns í tvo daga.
• Snældur og geislaplötur eru til útláns í viku.
• Tímarit eru ekki til útláns.
• Geisladiskar eru ekki til útláns.
• Útlán eru ókeypis en lánþegi ber ábyrgð á því sem hann hefur að láni.
• Sýnið tillitssemi og skilið á réttum tíma.
• Bók á að skila til starfsmanna safnsins en ekki setja hana beint í hillu.
• Þegar tekin er bók úr hillu til að lesa á safninu verður að setja hana á sama stað aftur. Annars finnst hún ekki næst þegar einvher þarf á henni að halda. Ef safngestur er í vafa um hvar hún á að vera er best að biðja um aðstoð.
• Nemendur fá ekki afhentar einkunnir í lok annar nema þeir hafi skilað öllu sem þeir hafa fengið að láni á safninu.

Umgengni

Vinsamlegast neytið ekki matar eða drykkjar á safninu og notið farsíma utan safnsins.

Hlutverk

Skólasafnið er upplýsingamiðstöð fyrir nemendur, kennara og starfsfólk skólans. Starfsemi þess styður nám, kennslu, félagslíf og þróunarstarf í skólanum. Á skólasafninu fer fram öflun og úrvinnsla þekkingar. Þar er upplýsingum safnað saman, þær skipulagðar, metnar og notaðar. Safnið er búið bókum, tímaritum, kortum, gögnum á tölvutæku formi, myndefni og hljóðritum sem tengjast kennslugreinum skólans. Einnig er boðið upp á efni sem hvetur nemendur til bókmenntalesturs og stöðugrar þekkingarleitar í leik og starfi.